«Elaman Group» инвестициялар тартады

Қазақстандық компания KazFerroGroup жобасын ауқымды түрде дамыту және компанияны IPO-ға дайындау мақсатында шетелдік инвесторлармен келіссөздер жүргізіп жатыр. БАӘ-ге жасаған жұмыс сапары аясында «Elaman Group» компаниясының басшылары Азамат Өтегенов пен Хондамир Юлдашев құны 200 миллион АҚШ долларына дейінгі күрделі өнеркәсіптік жобаларды іске асыруға маманданған АҚШ-тың халықаралық инвестициялық компаниясымен келіссөздер жүргізді. Кездесу қорытындысы бойынша отандық ферроқорытпа зауытына елеулі инвестициялар тарту туралы келісімге қол жеткізілді.
Аталған әріптестік өндірісті ауқымды түрде кеңейтуге, операциялық және басқарушылық тиімділікті арттыруға, корпоративтік басқарудың халықаралық стандарттарын енгізуге, сондай-ақ компанияны IPO-ға шығуға дайындауға бағытталған.
Ынтымақтастық аясында тараптар жаңа марганец кен орындарын бірлесіп сатып алу және игеру мүмкіндігін де қарастырып отыр. Қазақстанда KazFerroGroup компаниясының қолданыстағы кәсіпорны аумағында терең өңдеу жүргізетін және марганец қорытпаларының бірегей желісін өндіретін жаңа ферроқорытпа зауытын салу жоспарланып отыр.
Өндіріс толықтай экспортқа бағытталатын болады, бұл KazFerroGroup компаниясына бірегей позицияға ие болып, ТМД мен Орталық Азияда осындай деңгейдегі алғашқы кәсіпорынға айналуға мүмкіндік береді. Жобаны іске асыру Қазақстан Республикасының индустриялық-инновациялық даму басымдықтарына сәйкес келеді және Мемлекет басшысы Қасым-Жомарт Кемелұлы Тоқаевтың инвестициялар тарту, өңдеу өнеркәсібін дамыту және елдің экспорттық әлеуетін арттыру жөніндегі тапсырмаларына сай жүзеге асырылуда.