«Elaman Group»: Жарма ауданындағы әлеуметтік қолдау

Жарма ауданында (Абай облысы, Кентарлау ауылдық округі) «Elaman Group» компаниясы жергілікті қауымдастыққа әлеуметтік қолдау көрсетті.

Инвестициялық-өнеркәсіптік холдингтің бастамасы аясында ауылдық округ мектеп оқушыларына білім алуына қолайлы жағдай жасауға бағытталған арнайы сыйлықтар табысталды.

Сонымен қатар, Кентарлау ауылдық округіне шаруашылық және инфрақұрылымдық міндеттерді шешуге елеулі қолдау болатын трактор ресми түрде сыйға берілді.

Басшылықтың пікірі

«Elaman Group» стратегиялық даму департаментінің директоры Ұлас Әлімбаев холдинг компанияның негізін қалаушы және басқарушы серіктесі Азамат Өтегеновтің бастамасымен әлеуметтік жауапкершілік қағидаттарын жүйелі түрде жүзеге асырып, өңірлерге нақты қолдау көрсетуге ұмтылатынын атап өтті.

Оның айтуынша, білім мен спортты қолдау, ауыл инфрақұрылымын және жастарды дамыту «Elaman Group» компаниясының ұзақ мерзімді стратегиясының маңызды бөлігі болып табылады.

Айта кетейік, мұндай бастамалар компанияның елдің әлеуметтік-экономикалық дамуына және жергілікті тұрғындардың өмір сүру сапасын арттыруға нақты үлес қосуға ұмтылысын көрсетеді.